УГТЭ-ийн эмч нар Орос,Германы эмч нартай хамтран тархины хүнд хэлбэрийн судсан дотуурх өндөр түвшний мэс заслыг амжилттай хийжээ

УГТЭ-ийн эмч нар Орос,Германы эмч нартай хамтран тархины хүнд хэлбэрийн судсан дотуурх өндөр түвшний мэс заслыг амжилттай хийжээ

1 сарын өмнө

2020 оны 02 дугаар сарын 07-12 хооронд ОХУ-ын Санкт-Петербург хотын Поленовын нэрэмжит мэдрэлийн мэс заслын тасгийн эрхлэгч, проф. А.Е.Петров, ХБНГУ-ын Штутгарт хотын Katharinenhospital эмнэлгийн проф Ханс Хенкс нар Улсын гуравдугаар төв эмнэлэгт хамтран ажиллав.  

Дэлхийн түвшинд хүлээн зөвшөөрөгдсөн Орос, Германы эрдэмтэд Монгол эмч нарын багтай хамтран тархины судасны хүнд хэлбэрийн эмгэгтэй 18 тохиолдолд төлөвлөгөөт журмаар судсан дотуурх өндөр түвшний мэс заслыг амжилттай хийж 21 урсгал өөрчлөгч стентийг үнэ төлбөргүй суулгалаа.

Мөн яаралтай журмаар 2 эмчлүүлэгчийн тархины судасны бүлэнг авах тромбэктоми болон тархины өмнөд артерийн маш хүнд хагарсан цүлхэнтэй 1 өвчтөнд судсан дотуурх мэс заслуудыг амжилттай хийж гүйцэтгэлээ.

Дээрх  мэс заслууд нь гадаадын өндөр хөгжилтэй оронд 80-100 000 ам долларын өртөгтэй хийгддэг байна.

Урьд нь дээрх эрдэмтэд 6, 8, 10, 12 саруудад  төлөвлөгөөний дагуу тус эмнэлэгт ажиллаж тархины судасны хүнд хэлбэрийн цүлхэн, урсгал өөрчлөгч стент тавих мэс засал хийгдсэн 36 эмчлүүлэгчид  хийсэн бөгөөд энэ удаа мэс засал хийлгэсэн хүмүүст хяналтын журмаар тархины судасны ангиографийн шинжилгээг хийж үзэхэд бүх эмчлүүлэгчдэд эмчилгээний үр дүн маш сайн байлаа.

 Мөн эмчлүүлэгч бүрт цусны тромбоцитын агрегацийн үйл ажиллагаа үзэх шинжилгээг үнэ төлбөргүй хийж зөвлөгөө өгөв. 

3 улсын хамтарсан баг мэс засал хийх явцад болон дараа ямар нэгэн хүндрэл, доголдолгүй ажиллаа.

Тус эмнэлгийн Мэдрэлийн тасаг, Мэдээгүйжүүлэгийн тасаг, Мэдрэлийн мэс заслын тасаг, Харвалтын тасаг,  Ерөнхий мэс заслын тасгийн хамт олон багаар  хамтран амжилттай ажиллав.

 ХБНГУ-ын проф Ханс Хэнкс эмнэлгийн удирдлагатай уулзаж 3 улсын хамтран ажиллах санамж бичиг гэрээг шинэчлэн байгуулж цаашид эмч, эмнэлгийн ажилчдыг мэргэшүүлэн сургах асуудлаар дэмжин ажиллахаа илэрхийлэв.

Хариулт үлдээх

Таны и-мэйл хаягийг нийтлэхгүй.